LAOAG CITY – Naituding a sumango iti korte ti Amerika ni Venezuelan President Nicolas Maduro kalpasan a naarestar.
Daytoy ket basar ken ni US Attorney General Pam Bondi no sadinno a dinakamat na ti indictment kontra ken ni Maduro a nakasoan ti “Narco-Terrorism Conspiracy, Cocaine Importation Conspiracy, Possession of Machineguns and Destructive Devices, ken ti Conspiracy to Possess Machineguns and Destructive Devices’ kontra iti Estados Unidos.
Nakasoan ni Maduro iti Southern District of New York idi 2020 ngem saan pay a nalawag ti eksakto ti lokasyo ti Venezuelan President.
Nagyamanan met ti US Attorney General ni US President Donald Trump ken US military, a nangisayangkat ti naballigi a misyon tapno arestaren ti dua a mipagarop nga international narco traffickers.
