LAOAG CITY – Inbilin ni Presidente Ferdinand Marcos Jr. iti Regional Tripartite Wages and Productivity Board nga irebyu ti sueldo dagiti mangmangged.
Inbatad ni Palace Press Officer USec. Claire Castro nga adda ti maisaysayangkat a panag-review iti innem a rehion idinto nga adda ti sumagmamano a rehion ti nangipangato ti sueldo.
Inlawlawag ni Castro a maipapan iti sueldo ket masapul nga agpada a denggen ti employers ken dagiti empleado tapno makaipaay ti maiyannatop a sueldo.
Inaramid ti Palasyo ti rakurak iti baet ti panawagan ti Trade Union Congress of the Philippines nga i-certify as urgent ti gakat a P200 legislated wage hike.
Kuna ni Castro nga iti agdama ket awan ti sungbat ni Presidente Marcos.
Nupay kasta, ipayal-alistona ti pammilinna iti regional wage boards nga adalen ti sueldo dagiti mangmangged.
