LAOAG CITY – Inpasingked ni Presidente Ferdinand Marcos Jr. nga agsungbat dagiti adda iti likudan iti panangtulong ken ni dismissed Mayor ti Bamban, Tarlac a ni Alice Guo a makaruar iti pagilian.
Inbatadna a ti insidente ket mangipakita ti korapsion iti justice system nga isu ti mangpakapsot iti panagtalek ti publiko.
Inpetteng ti Presidente nga ipublikarna ti asinoman nga indibidual nga adda iti likudan ti panangiruar iti pagilian ni Guo.
Kunana a manarimaan ti panagtaledted ti imbestigasion ti asinoman a mapaneknekan nga adda iti likudan ti insidente ket pagsungbatenna iti linteg.
Inpalgakna nga awan ti espasyo iti gobierno ti asinoman nga opisial nga ipangpangruna ti personal nga interest ngem iti panagserbi iti publiko.
Reaksion daytoy ti Presidente iti naipadamag a nakatalawen ditoy pagilian ni Guo iti baet nga adda ti sangsangoenna a kaso nga adda ti pakainaiganna iti operasion ti Philippine Offshore Gaming Operation.
