LAOAG CITY – Inlawlawag ti Department of Budget and Management (DBM) no kasano a pinili ni Presidente Ferdinand Marcos Jr. dagiti line items nga in-veto na iti 2025 budget.
Maysa ditoy ti ₱26-B manipud iti proposed budget ti Department of Public Works and Highways (DPWH).
Inlawlawag met ni Budget Undersecretary Goddess Hope Libiran a naibasar iti bicameral conference committee version ti General Appropriations Bill, nga isu ti nangitunda ti ingangato ti pondo ti Department of Public Works and Highways iti ₱288-B no idilig iti orihinal a badyet.
Gapu iti daytoy, in-clasify ti Department of Public Works and Highways dagiti congress-introduced changes, agraman ti insertion ken ditoy a naduktalan a dagiti dadduma kadagiti proyekto ket saan pay a nakasagana a maipatungpal uray pay no maiyalokaran dagitoy ti pondo.
Malaksid iti daytoy, naikkat pay dagiti napundoan a proyekto a manamnama a maipasdek kadagiti lugar a saan a masarakan iti mapa nga insubmitir ti ahensya.
Immunan nga inbatad ni Presidente Ferdinand Marcos Jr. a dinengeg da ti publiko ken inadal da a nasayaat ti badyet sakbay a napirmaan kas linteg daguti maipaspasa iti opisina na.
