LAOAG CITY – Inkararagan ni Presidente Ferdinand ”Bongbong” Marcos Jr. dagiti biktima ti bagyo Kristine ken Leon kabayatan ti selebrasyon ti Undas 2024.
Segun iti Presidente a nasurok a sangagasut ti natay bayat a rinibu a pamilia ti naapektaran iti iduduprak ti bagyo Kristineken Leon, no sadinno nga agpapan ita ket agtultuloy pay laeng ti search and rescue operations dagiti otoridad.
Kinuna na a ti dakes nga epekto dagitoy a nakaro a kasasaad ti paniempo ti nangitampok iti kasapulan a mabaliwan dagiti plano ti imprastruktura iti pagilian.
Innayonna a agtitinnulong kuma dagiti amin a lokal government units ken ahensya ti gobierno tapno marisut ti problema no adda sumangbay a kalamidad.
Kabayatanna, iti naisina a post ti Presidente, ket nakikadua kadagiti Filipino Catholics tapno padayawan ken bigbigen dagiti biag dagiti immun-una ngem a simmina a kapamilya.
