LAOAG CITY – Saan nga ilaksid ni Presidente Ferdinand Marcos Jr. ti posibilidad a marisut pay laeng ti saan da a panagkinnaawatan iti dati a kaalyadona a ni Bise Presidente Sara Duterte.
‘Never say never’, daytoy ti inppeteng ti Presidente apaman ti ambush interview kenkuana seknan iti inbatad ni Vice Pres. Sara a “point of no return” ti relasyon da iti presidente.
Kagiddan pay daytoy ti saan a panangannamong ni Pres. Marcos a ma-impeach ni Bise Pres. Sara.
Segun iti presidente, saan na a kayat ti agsarita ti nalpasen no maipapan iti isyu ken inpaganetget na a silulukat pay laeng iti posible a panagkappia.
Maipalagip a nagbalin a tandem ni Pres. Marcos Jr. ken Vice Pres. Sara iti sidong ti UniTeam alliance idi eleksion idi 2022.
Ngem maipagarup a nangrugi ti tension iti nagbaetan dagiti dua kalpasan ti kontrobersial nga inrakrakurak ni Duterte kontra iti presidente.
