LAOAG CITY – Nakikaysa ni Presidente Ferdinand Marcos, Jr. kadagiti lider ti sangalubongan iti panangkondenarda iti panang-atake ken ni dati a Presidente ti Estados Unidos a ni Donald Trump.
Segun iti Presidente, nabang-aran isuna kalpasan a naipadamag nga addan iti natalged ken nasayaat a kasasaad ti dati a Presidente kalpasan ti gandat a panangpapatay kenkuana.
Innayona nga ana man a porma ti political violence ket masapul a makondenar.
Maipalagip napaltugan ni Trump kabayatan a maisaysayangkat ti rally daytoy idiay Butler, Pennsylvania, no sadinno a natamaan ti lapayag na.
Iti agdama, mannarimaan ti imbestigasion mainaig iti gandat a panangpapatay iti dati a Presidente ti Estados Unidos.
Kabayatanna, immunan a kiniddaw ni United State Pres. Joe Biden a masapul ti panagkaykaysa ken pananglaban iti aniaman a kinaranggas.
