LAOAG CITY – Inbatad ni US President Donald Trump nga ikonkonsiderar na a palubusan ni Israeli Prime Minister Benjamin Netanyahu a mangitultuloy ti military action iti Gaza no saan a tungpalen ti Hamas ti karina a ceasefire agreement.
Segun iti US President, mabalin nga agsubli ti Israeli forces iti Gaza iti kanito nga imandar na daytoy kadakuada.
Inrakurak daytoy ti US President kalpasan nga inakusaran ti Israel ti Hamas a saan a nangtungpal iti katulagan a panangisubli kadagiti hostage da, sibibiag man dagitoy wenno natay dan kas paset ti katulagan tapno agpatinggan ti giyera iti Gaza.
Basar iti dato, naisubli aminen ti Hamas ti amin a 20 a sibibiag nga Israeli hostages ngem siyam paylaeng manipo iti 28 nga hostage da a natay ti naipulang ti Hamas.
Kayatna a sawen ket adda pay ti 19 a bangkay ti unaccounted.
Inlawlawag met ti Hamas a naisubli da aminen dagiti bangkay dagiti hostage na a kabaelan da a ma-access idinto a dagiti dadduma a bangkay ket kasapulan paylaeng ti specialist equipment tapno mabirukan ken marekobre dagitoy.
