LAOAG CITY – Inlawlawag ni US President Donald Trump a maibilang a premature no mangipaay ti Amerika ti Tomahawk missiles iti Ukraine.
Rakurak na daytoy kabayatan ti panagtaripnong da kenni President Volodymyr Zelenskyy iti White House.
Ditoy nga inbatad ni Zelenskyy a tapno makaala ti long-range US-made weapons ket nakasagana a mangipaay met kadagiti rinibo nga Ukrainian drones kasukat ti Tomahawks.
Mangnamnama ni Trump a malpas ti gubat iti nagbaetan ti Ukraine ken Russia uray awan ti tomahawks.
Segun kenni Trump, ti panangipaay ti tomahawks iti Ukraine iti laksid ti ballaag ni Russian Pres. Vladimir Putin ket mangitunda iti dakdakkel a gulo.
Ummuna iti daytoy, nagtulag ni Trump ken Putin nga agkita ken agtaripnong idiay Budapest, Hungary iti sumaruno a lawas.
Kabayatanna, kageddan iti panangkablaaw ni Zelenskyy kenni Trump a nagbalin a wagas tapno malpas ti gubat iti Middle East ket ti namnama na a kastoy met laeng ti aramiden ti US President iti tension met a mapaspasamak iti Russia ken Ukraine.
Innayon ni Zelenskyy a para iti pagilyan da ken iti Russia ket immannugot kenni Trump a masapol nga isardeng dan ti laban ken rugyan dan ti saritaan mainaig iti kapya.
