LAOAG CITY – Nagserbi kas maysa kadagiti kangrunaan nga inspirasion ni Pinay tennis star Alex Eala iti nagbalin a labanna ni World No. 2 Iga Swiatek ti presensia ti dati a coach-na a ni Tony Nadal.
Personal a nagbuya ti batikan a tennis coach kas special guest ni Eala iti player box-na.
Inbatad ni Eala kalpasan ti panangabakna ken ni Swiatek, kunana a dakkel nga inspirasion para kenkuana ti panagbuya ti nalatak a coach kaduana ti personal coach ken dagiti am-ammona.
Naammoan nga uray nasapa a timmalaw tapno kamatenna ti maysa a flight, ti nagbalin a presensia ni Coach Nadal iti rugi ti laban ket nangipakita iti confidence ti batikan a coach kenkuana kas maysa a tennis player.
Inadmitir ti Pinay tennis star a saan a nagbalin a nalaka ti labanna gapu ta dagiti dua a kinalabanna ket agpada a Grand Slam champ.
Nupay kasta, ti saan a mabuteng nga agtultuloy ti nangiduron kenkuana tapno umabante iti baet dagiti missed shots kabayatan iti katengngaan ti laban.
Kabayatanna, ni Eala ket nagturpos iti Rafa Nadal Academy ken ni Toni ti agserserbi kas Ambassador ti nasao nga akademia.
