LAOAG CITY – Ilunglungalong ti Philippine National Police (PNP) ti ad-adda pay a napapigsa a crime prevention kadagiti pagadalan iti babaen ti ad-adda nga aktibo a pannakipaset ti sektor ti edukasyon iti values formation ken peace and order awareness.
Segun ken ni PNP chief Gen. Jose Melencio C. Nartatez Jr., napateg ti katulagan a pinirmaan ti National Police Commission (Napolcom) ken Department of Education (DepEd) tapno mapapigsa ti papel dagiti pagadalan iti panangmuli ti disiplina ken iti pannagpatalinaed ti kinatalged ti komunidad.
Iti babaen ti partnership, mairaman dagiti pagadalan ti safety awareness, anti-drug campaigns, ken anti-bullying programs.
Inpaganetget pay ti nailian a pulisya a ngumatngato ti pannakairamraman dagiti agtutubo kadagiti petty crimes, online exploitation, ken gang activity, isut gapuna a gutgutiguten da dagiti pagadalan nga agbalin a naalibtak imbes nga idependar laeng iti addang ti Philippine National Police kalpasan ti insidente.
Plano pay ti PNP a papigsaen ti presensya ti pulisya iti lawlaw dagiti pagadalan, trainingen ti ad-ado nga opisyal iti child protection ken crisis response, ken palawaen ti youth engagement programs a mangsakop iti anti-drugs, anti-bullying, ken online safety.
