LAOAG CITY – Inrakurak ni US President Donald Trump a bayabayen ti Estados Unidos dagiti barko a dumalyasat iti Strait of Hormuz.
Segun met iti US Central Command, karaman iti military support ti guided-missile destroyers, nasurok a 100 aircraft ken 15,000 service members.
Daytoy ket maipagarop a kas suporta iti “Project Freedom” ni Trump tapno mapasubli ti kinawaya a sumalyasat iti Strait of Hormuz.
Inlawlawag met ti maysa nga US official a saan daytoy a maysa nga escort mission.
Segun ken ni CENTCOM commander Adm. Brad Cooper, ti suporta da ket para iti “defensive mission” a napateg para iti regional security ken global economy kagiddan ti panangpatalinaed da iti naval blockade.
Nagballaag met ti top Iranian official a ni Ebrahim Azizi a maysa a panaglabsing iti maipatpatungpal a ceasefire ti nasao nga addang.
