LAOAG CITY – Inrakurak ni President Donald Trump a kagiddaan ti nalawa nga strike nga inpatungpal ti Estados Unidos kontra iti Venezuela ket nakemmegen ti Delta Force ni President Nicolas Maduro, karaman ti asawa na.
Maipalagip a nabayagen nga ak-akusaran ti Estados Unidos ni Venezuelan President Nicolas Maduro nga isuna ti lider ti international drug trafficking organisation.
Nupay kasta, namin-adon a daras a naglikudan daytoy ni Maduro.
Saan a nangipaay ti naan-anay a detalye ni Trump no kasano da a nakemmeg ni Maduro ken no sadinno ti pangikabilan da kadakuada iti asawa na.
Immunan a nangidiaya ti $50m a gunguna ti Amerika para iti makaipaay ti impormasyon no sadinno ti lokasyon ni Maduro.
Mainaig iti daytoy, agkidkiddaw ti pammneknek ni Venezuelan Vice President Delcy Rodríguez no pudno a tengngelen ti Amerika ni Presidente Maduro ken ti asawa na a ni First Lady Cilia Flores.
