LAOAG CITY – Nagpangta ni President Donald Trump a lapdan na ti panaglukat ti rangtay a mamagkonektar iti Estados Unidos ken ti Canada.
Inpetteng ni Trump a saan nga aglukat ti Gordie Howe International Bridge agingga a saan tratwen ti Ottawa ti Estados Unidos iti kasapulan da a respeto.
Ti nasao a rangtay ket pagkonektaren na ti probinsya ti Ontario ti Canada iti estado ti Michigan ti Estados Unidos.
Basar iti project’s website, ti rangtay ket pinondoan ti gobierno ti Canada ngem maibilang daytoy a kukua nga agpada ti Canada ken Michigan.
Inbatad ti Canadian Broadcasting Corporation a mapatta-patta nga umabot iti $6.4-billion ti naiyalokar para iti pannakaestablisar ti nasao a rangtay.
