LAOAG CITY – Inpasigurado ni President Ferdinand “Bongbong” Marcos Jr. nga adda ti mobile primary care clinics a maiwaras iti kada probinsya tapno maidanun ken maiyasideg ti healthcare services kadagiti tattao nga agnanaed iti ruwar ti Metro Manila.
Iti panagbitla ni President Marcos iti maikatlo nga State of the Nation Address (SONA), inbatad na a kalikagom na nga amin a probinsya ket maaddaan ti center wenno pasilidad a makaipaay ti basic medical services para kadagiti agkasapulan.
Kuna a a siguradwen na a babaen iti mobile clinic ket maiyasideg ti laboratory examination ken dadduma a kangrunaan a medical services para kadagiti Pilipino.
Immunan nga inwaragawag ti Presidential Communications Office (PCO) nga adda ti 83 a “Bagong Pilipinas” mobile clinics ti maiwaras iti sumagmamano a lugar mangrugi ita a bolan.
Naamoan a ti kada mobile clinic ket addaan ti modern medical equipment, kas ti digital x-ray machine ken ultrasound machines, hematology analyzers, binocular microscope, clinical centrifuge, ophthalmoscope, reagent refrigerator ken dadduma pay.
Immunan a nagibunong ni First Lady Liza Araneta-Marcos ti mobile facilities iti pito a probinsya iti Central Luzon.
