LAOAG CITY – Kiniddaw ni President Ferdinand ”Bongbong” Marcos Jr. kadagiti local chief executives a lagipen da dagiti naaramidan da no maipapan iti panagserbi iti publiko.
Inaramid daytoy ni Presidente Marcos bayat ti panagatendar na iti End-term general assembly ti League of Municipalities of the Philippines iti The Manila Hotel.
Inbatad ti presidente nga agtalek kadagiti local chief executives nga itultuloy da ti agserbi iti public uray agbaliw da ti suruten a direksyon.
Inpaganetget ti presidente a no napagrang-ay da ti panagbiag dagiti Pilipino gapu kadagiti naaramidan da ket mangipaneknek daytoy a naannong da a naimbag ti trabaho ken responsibilidad da.
