LAOAG CITY – Nagbiyahen ni President Ferdinand Marcos Jr. nga agturong idiay United Arab Emirates (UAE) para iti working visit-na.
Segun ken ni Palace Press Officer ken PCO Undersecretary Atty. Claire Castro, dinutokan ni Pres. Marcos a caretaker committee da Executive Secretary Ralph Recto, Department of Agrarian Reform Secretary Conrado Estrella III, ken Department of Social Welfare and Development Sec. Rex Gatchalian.
Agatendar ti presidente ti Abu Dhabi Sustainability Week ken agtalinaed idiay UAE agingga intono Enero 14, 2026.
Manamnama nga imatangan ti presidente iti panagpirma iti dua a katulagan iti nagbaetan iti Pilipinas ken UAE ti Comprehensive Economic Partnership Agreement (CEPA) ken Memorandum of Understanding on Defense Cooperation.
Ti working visit ni Presidente Marcos ket gapu iti imbitasyon ni UAE President Sheikh Mohamed bin Zayed Al Nahyan ket pagsasaritaan da kadagiti nagduduma a mangidaulo iti estado iti nagduduma nga isyu iti enerhiya, danum, finance, taraon ken aglawlaw.
