LAOAG CITY – Nagikkat iti pwesto ni President Klaus Iohannis ti Romania, sumagmamano nga aldaw sakbay ti plano a pannakapadisi kenkuana iti turay.
Maplanplano ti pannakaipila ti impeachment kontra ken ni Iohannis gapu iti panangkanselar na ti presidential election iti napalabas a tawen.
Naruay nga oposisyon ti nangilungalong a masuspenso daytoy gapu iti desisyon na nga agtalinaed iti puwesto agingga intono Mayo ita a tawen.
Maipalagip nga idi Disyembre ti napalabas a tawen ket pinaawan bileg ti Korte Suprema ti eleksyon gapu iti maipagarop a pannakibibiang ti Russia.
Gapu iti napasamak ket nagresulta ti pannakaipatungpal ti tignay protesta iti nadakamat a pagilian.
