LAOAG CITY – Agturong idiay Brunei ken Singapore ni Presidente Ferdinand Marcos Jr. inton sumaruno a lawas.
Segun ken ni Department of Foreign Affairs Spokesperson Maria Teresita Daza, manamnama nga agbiahe ti Presidente manipod inton Mayo 28 agingga Mayo 31.
Maiyuswat ti state visit idiay Brunei manipod inton Mayo 28 agingga 29 ken dumiretso daytoy idiay Singapore manipod inton Mayo 30 agingga 31 tapno agatendar iti International Institute for Strategic Studies Shagri-La Dialogue.
Naammoan a ti nasao a panagbisita ti Presidente iti dua a Southeast Asian Countries ket gapu metten iti imbitasion da Brunei Sultan Hassanal Bolkiah ken dati a Singaporean Prime Minister Lee Hsien Loong.
Agtalek ti Department of Foreign Affairs a makaala ti ad-adu pay nga investment ti Presidente iti nasao a panagbisita.
