LAOAG CITY – Inwaragawag ti electoral council a nangabak manen ni President Nicolás Maduro iti kalepleppas a presidential election idiay Venezuela.
Segun ken ni Elvis Amoroso, ti mangidadulo ti National Electoral Council (CNE) ken nasinged a kaalyado ni Maduro, nupay saan pay a nalpas a nabilang amin ti balota ket siguradon a ti nasao a presidente ti nangabak.
Kuna na a 80 a porsiento ti balota ti nabilangen ken 51% ti nagun-od a botos ni Maduro idinto nga 44% ti naiget a kalaban na.
Nupay kasta, inpalgak ti Venezuelan opposition a ti rakurak ti National Electoral Council ket maibilang kas fraudulent gapu ta ti pudno a nangabak ket ni Edmundo González a nakagun-od ti 70 a porsiento a botos.
