LAOAG CITY – Pinabasol ni Turkish President Recep Tayyip Erdogan ti opposition parties iti panangrubrub da ti “movement of violence” bayat iti panagtultuloy ti nalawa a tignay protesta iti nadakamat a pagilian.
Nangrugi ti tignay protesta iti ciudad ti Istanbul kalpasan ti pannakaarestar ni Mayor Ekrem Imamoglu ken napilaan ti kaso a panagkunniber.
Ni Mayor Ekrem Imamoglu ket isu ti maibilang a naiget a kalaban ni President Erdogan.
Immunan nga inpetteng ni Imamoglu a ti alegasyon kenkuana ket adda maris pulitika na, ngem naiget a naglikudan daytoy ni Erdogan.
Kabayatanna, inwaragawag ti Turkey’s main opposition party, a Republican People’s Party’s (CHP), a ni Imamoglu ti napili da kas presidential candidate para iti sumaruno a presidential election iti nadakamat a pagilian.
