LAOAG CITY – Inpakaammo ni Presidente Rodrigo Duterte nga awan ti suportaran na kadagiti presidential candidate iti 2022 election.
Daytoy ti sarita ni Presidente Duterte iti Talk to the People a programa na idi rabii.
Kuna na nga awan pay laeng ti suportaran na kadagiti kandidato para presidente malaksid no adda ti napintas a rason tapno agbalbaliw ti panunot na a mangpili iti suportaran na a kandidato.
Inbunannag ni Duterte nga agarup amin a kandidato para presidente ket nagkiddaw ti supporta kenkuana.
Inbatad na nga amin a kandidato para iti sumukat kenkuana ket kwalipikado malaksid no pakaseknan iti pannakinegosiar ti peace talks iti kumunista a grupo.
Inlawlawag ni Duterte nga adun a pannakabagi ti linteg ti natay iti pannakilaban iti kumunista a grupo.
Saan a mailinged kenkuana a nasakit para kenkuana no adda ti matay a pulis wenno soldado seknan iti pannakilaban da iti kumunista grupo.
Innayon a mabalin a saan a naragsak ti military no ti maseknan a kandidato ket makinegosiar pay laeng peace talks iti nasao a grupo.
