Inbatad ni IBP President – Ilocos Norte Chapter Atty. Bernie Constantino a maysa kadagiti karbengan ni Presidente Rodrigo Duterte ket ti mangited ti pardon wenno pammakawan kadagiti nagbasol kas naisaguday iti kontitusyon.
Daytoy ti rakurak ni Constantino kalpasan nga inikkan ti Predente Duterte ti absolute pardon ni US Marine Lance Corporal Joseph Scott Pemberton a nangpapatay iti filipino transgender woman Jennifer Laude idi tawen 2014.
Segun ken ni Constantino, nu pay naikkan ti absolute pardon ni Pemberton ket saan a kayat a sawen a maikkat ti pannakakonbiktar na kas maysa nga agpapatay.
Nu pay kasta, inbatad na a babaen ti nasao a pardon ket maikkat dagiti pannusa a naipataw kontra kenni Pemberton.
Mainaig iti daytoy, kuna na a nu adda ti mangkwestyunar iti nasao a desisyon ti presidente ket mismo nga isuna ti kasango da agsipod ta isu na laeng ti adda karbengan na para iti daytoy.
Maipalagip a nakonbiktaran ni Pemberton iti kaso a homicide gapu iti panangpapatay na kenni Jennifer Laude idi tawen 2014 ken nasentensyaan ti innem agingga iti sangapulo a tawen.
