LAOAG CITY – Rinugyanen ni Presidente Ferdinand Marcos Jr. nga adalen ti anti-dynasty bill.
Daytoy ti inbatad ni Presidential Communications Office Usec. Claire Castro kalpasan ti pannakitaripnong ni Presidente Marcos ken ni Executive Secretary Ralph Recto tapno trataren ti nailungalong a gakat.
Kuna ni Castro a trinatar na da ti possible a contents wenno ilungalong a probisyon para iti anti-dynasty bill gapu ta isu ti maysa kadagiti gakat a prayoridad ni Presidente Marcos.
Innayon ni Castro a karaman kadagiti topiko a trinatar da ket ti level of bans; degrees of familial relationships; klase ti relasyon a maikonsiderar ken ti posisyon a masakupan.
Mainaig iti daytoy, saan a nangipaay ti Palace official ti timeline no kaano a makompleto ti panagadal iti anti-dynasty bill.
