LAOAG CITY – Inpasigurado ni Presidente Ferdinand Marcos Jr. kadagiti umili nga aramiden amin ti administrasyon na tapno awan ti mabati a mabisinan a Pilipino ken nanamen amin ti naurnus a kalidad ti panagbiag.
Inbatad ti presidente a ti pannakaipaay ti “best services” kadagiti Pilipino ket wagas na tapno maidanun ti panagyaman na para iti panagtalek ken kumpiyansa dagiti umili iti agdama nga administrasyon.
Inpakaammo ni Marcos a maysa kadagiti programa ti gobierno tapno makissayan ti panagbisin ken mapaspasaran a rigat dagiti pamilya a karaman iti “lowest income bracket ket ti “food stamp” program ti Department of Social Welfare and Development (DSWD).
iti naiyuswat nga umuna nga en banc meeting ti National Anti-Poverty Commission (NAPC) iti Palasyo ti Malakanyang, inbilin ti Presidente kadagiti ahensiya ti gobierno nga usaren ti whole-of-government approach tapno malabanan ti long-standing problem ti maspasaran a kinarigat iti Pilipinas.
Inkari pay ti presidente kadagiti umili a buo ti suporta ti gobierno tapno masigurado nga agballaigi amin a Pilipino.
