LAOAG CITY – Naiget a kinondenar ni Presidente Ferdinand Marcos Jr., ti napasamak nga air incident iti passet ti Bajo de Masinloc no sadinno a nangiparuk-at ti “dropped flare” ti multirole aircraft iti ruta a nagnaan ti Philippine Air Force (PAF) a mangiyus-uswat ti routinary maritime patrol iti teritoryo ti Pilipinas.
Makikaykaysa ni Presidente Marcos iti natutured a personnel ti Philippine Air Force.
Inpetteng ti Presidente a ti inaramid ti People’s Liberation Army – Air Force (PLAAF) ken unjustified, illegal ken reckless kangrunaan na ket agtaytayab daytoy iti sovereign air space ti Pilipinas.
Inpaganetget pay ti presidente nga iti panakalma ti baybay ket isu met ti panangiyuswat ti China kadagiti delikado nga addang iti airspace.
Inkari ni Marcos nga agtalinaed a committed ti Pilipinas para iti maysa a naindiplomasyaan ken nainkapiyaan a wagas tapno masolbar ti aniaman a saan a pagkikinnaawatan.
Nagpanawagan ni Presidente Marcos iti China nga agbalin a responsable iti ar-aramiden da iti man baybay wenno tangatang.
