LAOAG CITY – Kumpiyansa ni Presidente Ferdinand Marcos Jr. nga ad-adda pay a bumaba ti presyo ti bagas iti pagilian.
Inbatad daytoy ti presidente kabayatan ti sectoral meeting iti Palasyo ti Malakanyang.
Kuna met ti Presidential Communications Office (PCO) a bagas ti maibilang kas top inflation driver a nakaipaay ti 1.3% a puntos iti inflation.
Naamoan a ti presyo ti bagas iti Vietnam ken Thailand ket nagbalin a moderate iti napalabas a bolan, no sadinno a nakailanad iti available data para iti bolan ti September ti panagbaliw ti presyo ti produkto.
Maipalagip a ti campaign promise ni Presidente Marcos ket maipababa ti presyo ti bagas iti P20 ti kada kilo.
Kabayatanna, iti press briefing iti Malakanyang, inbatad ni Agriculture Secretary Francisco Tiu Laurel a patta-patta ti Department of Agriculture a mapalag-an ti presyo ti bagas ken marikna daytoy intono Enero 2025.
