LAOAG CITY – Nagpanawagan ni Presidente Ferdinand Marcos Jr. kadagiti Pilipino a gundawayan ti government-initiated job fair iti babaen ti “Trabaho sa Bagong Pilipinas” initiative ti gobierno.
Inaramid daytoy ti presidente kabayatan ti pannakaiwayat ti “Trabaho sa Bagong Pilipinas” job fair para kadagiti benepisyaryo ti Pantawid Pamilyang Pilipino Program (4Ps).
Kuna ti presidente a mamati a tunggal Pilipino ket adda ti kabaelan na ken determinasyon nga agbalin a produktibo iti panagbiag.
Inrakurak pay ti presidente a nasurok a 9,068 nga indibidwal ti nagaplikar kadagiti job offerings iti pannakaiyuswat ti job fair idi Enero ita a tawen, ken nasurok a 1,028 ti na-hire on the spot.
Adda met ti 95 a benepisyaryo ti Pantawid Pamilyang Pilipino Program ti nakaala ti trabaho.
Malaksid iti panangparnuay ti trabaho, tumulong pay ti gobierno kadagiti job seeker iti babaen ti job matching tapno ikonektar dagitoy kadagiti posisyon a maibagay iti talento ken skill sets dagitoy.
