LAOAG CITY – Nagtalinaed ti panagtalek ni Presidente Ferdinand Marcos Jr., ken ni Department of Public Works and Highways Secretary Manuel Bonoan iti baet dagiti reklamo iti panaglayos ken isyu dagiti flood control projects.
Segun ken ni Palace Press Officer Usec. Claire Castro, agtalek paylaeng ni Presidente marcos iti kabaelan ken panangidaulo ni Bonoan iti Department of Public Works and Highways.
Inpasigurado ni Castro nga inaganan ni Presidente Marcos dagiti contractor ken opisyal a mapaneknekan a nagbaybay-a kadagiti proyekto ken nanggundaway iti pondo apaman a malpas ti imbestigasyon.
Inlawlawag met ti Malakanyang a ti pannakaiparuk-at ti listaan ket tapno agserbi a pagibasaran ti publiko no kasanu ti kaado ti flood control projects ti gobyerno, ken no ania kadagitoy ket rebbeng nga imbestigaran.
Iti agdama, agtultuloy ti panagkalap ti datos mainaig iti nasao nga isyu.
