LAOAG CITY – Naawat ken naiget nga ad-adalen ni Presidente Ferdinand “Bongbong” Marcos Jr. ken ti team na ti P6.793-trilyon a national budget para iti 2026 a pinatibker ti Kongreso idi Lunes, Disyembre 29.
Daytoy ti inbatad ni Executive Secretary Ralph Recto.
Kuna ni Recto a siguradwen ti ehekutibo a ti 2026 General Appropriations Act ket saan laeng a ti legal ken technical requirements ti penneken na no di ket ti kasapulan dagiti Pilipino.
Inrakurak na nga umabot iti agarop maysa a lawas ti panangtingiting ken panangadal ti presidente ken ti team na ti naratipikaran a pondo para iti 2026.
Immunan nga inbatad ni Recto a pirmaan ni Presidente Marcos ti nailungalong a P6.793-trilyon a pondo iti umuna a lawas ti Enero, 2026.
