LAOAG CITY – Inrakurak ni Presidente Ferdinand Marcos Jr. ti pannakisimpatya na kadagiti pilipino a naapektaran ti wildfires idiay Southern California.
Inbatad pay ti presidente a gagem na ti kinatalged dagiti umili kadagiti apektado a komunidad ken ti ibabangon da manipod iti kalamidad.
Kuna ni Presidente Marcos a dakkel a makatulong iti alisto nga ibabangon ti panagbalin a natibker, panagkaykaysa ken compassion.
Iti agdama ket ado dagiti Pilipino ken Amerikano nga apektado ti wildfires nga umap-apela ti tulong kalpasan a nadadael dagiti babbalay da.
Marigatan dagiti firefighters, pakairamanan ti air support, a mangsebsen kadagiti apoy gapu iti kinapigsa ti angin.
