LAOAG CITY – Pinirmaan ni Presidente Ferdinand ‘Marcos Jr. ti sumagmamano a linteg a mamagsina iti nagduduma nga school extensions ken i-convert dagitoy iti independent institutions.
Iti babaen ti Republic Act No. 12057, ti Paulino Dari National High School (PDNHS) – Balong-balong Extension iti Pitogo, Zamboanga Del Sur ket maisina manipod iti Paulino Dari National High School ket maestablisar daytoy kas maysa nga independent school no sadinno a mapanaganan kas Balong-balong National High School.
Kabayatanna, inmandar met ti Republic Act No. 12058 nga isina ti Bacungan National High School-Sipakong Extension iti Leon B. Postigo, Zamboanga Del Norte, a mapanaganan kas Sipakong National High School.
Iti met babaen ti Republic Act No. 12059, isina ti Lapuyan NHS-Pampang Extension iti Lapuyan, Zamboanga Del Sur. ken maawagan daytoy ti Pampang National High School.
Ti kantidad a kasapulan para iti panagtultuloy ti operasyon ti pagadalan ket mairaman iti tinawen a General Appropriations Act (GAA).
Mainaig iti daytoy, inbilin ni Presidente Marcos iti Department of Education (DepEd) a dagus nga iraman ti operationalization ti uppat a pagadalan iti programa ti departamento.
