LAOAG CITY – Inawaganna a “completely unacceptable” ni Presidente Ferdinand Marcos Jr., ti inrakurak ti China ti detention policy-da kontra kadagiti “trespassers” iti West Philippine Sea.
Daytoy ti nagbalin a rakurak ni Presidente Marcos kalpasan nga inrakurak ti Beijing a palubusanda ti Coast Guard-da nga ibalud dagiti trespasssers a dumalyasat iti territorial waters-da.
Saan met nga indetalye ni Presidente Marcos no kasano a solbaren ti Pilipinas nangruna kadagiti Pilipino a mangngalap iti lugar.
Nupay kasta, kuna ti Presidente nga agaramid ti wagas ti gobierno tapno maprotektaran dagiti Pilipino.
Iti agdama, ad-adda pay a bumarbara ti tension iti nagbaetan ti Pilipinas ken China gapu iti agtultuloy ken iligal a panangsakup ti China kadagiti sumagmamano a paset ti Exclusive Economic Zone ti pagilian.
