LAOAG CITY – Inbilin ni Presidente Ferdinand Marcos Jr., ti Department of Agriculture nga itandudu ti ease of doing business kadagiti prosesoda ken ikkatenda ti non-tariff barriers iti importation dagiti agricultural products tapno maipababa ti presio ken masigurado nga adda ti suplay.
Daytoy ket maibasar iti naiparuk-at nga Administrative Order No. 20, ni Presidente Ferdinand Marcos Jr. a pinirmaan ni Executive Secretary Lucas Bersamin idi Abril 18, 2024 a dagus met nagbalin nga epektibo.
Iti nasao nga Administrative Order No. 20, inpaganetget ti Presidente a ti administrative constraints ken non-tariff barriers ket mangitunda iti panagngato ti domestic prices kadagiti agricultural commodities.
Gapu iti daytoy, napateg a maipatungpal dagiti addang ti Department of Agriculture tapno ma-streamline dagiti administrative procedures-da ken policies kangrunaanna iti panag-import dagiti agricultural products.
Ipapaikkat ti Presidente ti non-tariff barriers tapno solbaren ti panagngato ti domestic prices dagiti agricultural commodities.
Inbilin pay ti Presidente ti Department of Agriculture a makikammayet iti Department of Trade and Industry (DTI), Department of Finance (DOF) tapno ma-streamline dagiti procedures ken requirements iti licensing dagiti importers, kissayan ti processing time ti applications ken i-exempt dagiti licensed trades nga agisubmitir ti registration requirements.
