LAOAG CITY – Inbilin ni Presidente Ferdinand Marcos Jr. ken ni incoming Department of Education Secretary Sonny Angara ti pinansial nga status dagiti mangisursuro.
Saan met a direkta nga inbatad ti Presidente no daytoy ket ti posible a pannakaipangato ti sueldo dagiti public school teachers.
Inbatad ni Presidente Marcos iti probinsia ti Sulu a napateg a napintas ti pinansial nga estado dagiti mangisursuro tapno masupusupanda dagiti kasapulan ti pamiliada.
Inlawlawag ti Presidente no bilang saan nga umdas ti biruk dagitoy, saan nga agbalin nga epektibo ti panangisuroda gapu ta panpanunutenda ti kasasaad ti pamiliada.
Malaksid iti pinansial nga aspeto, dumalan met dagiti mangisursuro kadagiti re-training programs nangruna ket alisto ti development kadagiti baro a teknolohia.
Kalikagum ti Presidente a maisuro kadagiti mangisursuro dagiti baro a teknolohia nga us-usaren ita isu a gagemna a maaddaan ti umdas nga ammo iti babaen kadagiti training.
Target ti Presidente a mangiyuswat ti feeding program tapno masolbar ti problema iti panagbisin dagiti ubbing nga estudiante.
Inpasigurado ti Presidente ken ni Sec. Angara a suroan dagiti ubbing iti Philippine history gapu ta napateg nga ammoda ti pakasaritaan.
