LAOAG CITY –Inrakurak ti Malacañang a saan nga apektado ni Presidente Ferdinand “Bongbong” Marcos Jr. iti nairekord a kababaan a satisfaction ratings na idi Marso ita a tawen.
Immunan a naipakita iti survey ti Social Weather Stations wenno SWS a naiyuswat idi Marso a bimmagsak iti -15% ti satisfaction ratings ni Marcos, nababbaba daytoy ti 12 a puntos iti neutral ken “poor.”
Daytoy pay ti kababaan a satisfaction rating a naawat ni Presidente Marcos Jr. iti panawen ti panagtakem na.
Iti maysa a press briefing iti Japan no sadinno a manarimaan ti panagbisita ni Presidente Marcos, inbatad ni Palace press officer Claire Castro nga agserserbi kas inspirasyon dagiti nasao a numero tapno ad-adda pay a pasayaaten na ti trabaho na.
Inpaganetget ni Castro a sabali ti rimuar a resulta dagiti survey ti dadduma a kompanya.
Segun pay iti opisyal, mabalin a dagiti respondent a nasarita ti Social Weather Stations ket saan da pay a marikrikna ti tulong manipod iti gobyerno.
