LAOAG CITY – Nangiparuk-at ti pammilin ni Pres. Ferdinand Marcos Jr. a mangibabawi iti pagannurutan ti panangipaay ti Career Executive Service (CES) rank kadagiti nagturpos ti Master of National Security Administration (MNSA) program ti National Defense College of the Philippines (NDCP).
Gagem ti Executive Order No. 63 nga aramiden a synchronize ti standards and procedures iti panangipay ti Career Executive Service rank.
Dinakamat iti Executive Order ti nakailanad iti Konstitusion a ti appointments iti civil service ket nasken a maibasar iti merito ken panagbalin a maiyannatop iti posision a dakamaten iti babaen ti competitive examination.
Sakbay ti pammilin ti Presidente, dagiti nagturpos ti Master of National Security Administration program ti National Defense College of the Philippines a maidesignar iti Career Executive Service positions ket maik-ikkan ti Career Executive Service rank.
Nupay kasta, idi Pebrero, inrekomendar ti Career Executive Service Board (CESB) nga ibabawi daytoy a pagalagadan.
Naipalaon pay iti Executive Order a ti panagserrek iti Career Executive Service positions ket imandar ti Career Executive Service Board.
Kabayatanna, ti Career Executive Service Board ti mangipakat kadagiti pagannurutan, pangibasaran ken wagas ti panagpili, classification, kompensasion ken career development dagiti miembro ti Career Executive Service.
