LAOAG CITY – Nangipadanun ti pannakaipagladingit ni Presidente Ferdinand Bongbong Marcos Jr,, iti pamilya a napanawan ni dati a Presidente Fidel V. Ramos gapu ti komplikasyon ti COVID-19.
Kuna na a pimmusay ni Ramos nga inpaay na ti bukod na a biag para iti pagilian kas military officer ken public servant.
Maysa ti pamilya ni Presidente Marcos ti makiladladingit kalpasan a rimwar ti nasao a damag.
Saan laeng a napukawan ti pagilian ti maysa a nalaing a lider ngem ketdi naawanan pay ti miyembro ti pamilya.
Kageddan na daytoy, nagpanawagan ti presidente kadagiti Pilipino iti kararag para iti dati a presidente.
Kabaytaanna, nangipadanun met ti pannakaipagladingit ni dati a Presidente Joseph Estrada.
Kuna na a naliday ti intero a pagilian iti ipupusay ti maika-12 a presidente ti pagilian.
Idi rabii, nangiparuk-at ti statement ti pamilya Ramos seknan iti panagladingit da iti ipupusay ti dati a presidente iti tawen na a 94.
Nagyaman ti pamilya ti respeto ti umili iti privacy bayat ti panagladingit ti pamilya da.
Mangiparuk-at ti pamilya Ramos ti pannakaimansayag ken funeral arrangements ti dati a presidente.
Kabayatanna, nangipadanun met ti pannakipaglangit ni dati a Presidente Rodrigo Duterte iti napanawan ni dati a presidente Ramos, iti asawa na a ni Ming, iti pamilya, dagiti panagayam ken dagiti Pilipino nga agladladngit.
Inbilang ni Duterte a maysa a nalaing nga statesman, mentor ken pagayam.
Nagpanawagan a dayawen ti legacy iti panagserbi na ken kontribusyon na iti pagilian.
Karaman pay a nakipagladingit da Senate President Juan Miguel Zubiri, Senator Ramon Bong Revilla Jr., Senator Grace Poe, Senator Nancy Binay, Senator Joel Villanueva, Senator Lito Lapid, Senator Sonny Angara, Senator Jinggoy Ejercito Estrada, Senator Christopher “Bong” Go, kenni Press Secretary Trixie Cruz-Angeles.
