LAOAG CITY – Bimmaba iti pwesto ni Bangladesh president Mohammed Shahabuddin kalpasan nga adda dagiti report a ti dati a kaalyado na a ni napadisi a prime minister Sheikh Hasina ket agsubli iti pagilian da.
Insumitir ni Shahabuddin ti resignation na sumagmamano nga aldaw kalpasan nga inrakurak ni Hasina nga agsubli iti Bangladesh tapno sangwen ti dusa a patay gapu iti panangparmek na kadagiti tignay protesta nga indaulwan dagiti estudyante idi 2024 a nangitunda ti panagbagsak ti gobierno na.
Sipud idi ket maipagarop a nakarikna ti pressure ni Shahabuddin a nangitunda ti panagbaba na iti pwesto manipod iti panangidaulo iti Bangladesh Nationalist Party.
Sumagmamano nga opisyal manipod iti opisina ti presidente ti nagpirma iti resignation letter ni Shahabuddin ken ti nailanad a rason iti panagbaba na iti pwesto ket gapu iti sagsagabaen na a sakit.
Naisumitir metten ti resignation letter ni Shahabuddin iti speaker ti parliamento a ni Hafiz Uddin Ahmad.
