LAOAG CITY – Inadmitir ni Mr. Danny Adaoag, ti presidente ti Laoag-San Nicolas Express Terminal dagiti jeepney a saan da a kabaelan iti grupo ta ti modern PUJ.
Segun kenkuana, iti impormasyon na ket agarop 1.9 ti bayad ti napabaro a klase ti jeepney ken saan da a kabaelan a bayadan ti binulan daytoy.
Daytoy ket gapo ta iti uneg ti maysa nga aldaw ita a panawen ti pandemya, marigatan da pay a makapasada ti 500 a pisos nangruna ket awan pay dagiti estudyante nga isu ti kangrunaan a pasaheros da idi awan pay ti pandemya.
Inlawlawag na a no addan to man ti pammilin manipud iti gobierno a maipariten ti panagpasada dagiti traditional jeepney ket mapilitan da nga agsardeng ken agbirok da laengen ti sabali trabaho.
Inbatad na nga agingga nga awan ti direktiba a kastoy ket itultuloy da latta ti agpasada gapo ta kasapulan da ti panggedan para iti pamilya da.
Immapela ni Adaoag a maobserbar kuma pay laeng ti sitwasyon dagiti jeepney ditoy probinsya nangruna ita a panawen ti pandemya.
