LAOAG CITY – Naglikudan ni Mrs. Aniceta Menor, presidente ti Local Council for Women iti Barangay Nagsanga iti ili ti Pasuquin dagiti maibatbato nga alegasyon kontra kenkuana.
Daytoy ket kalpasan nga adda ti reklamo kenni Menor a maipagarop a nagpukaw ti 20 a ribo a pisos nga inted ti asawa ti mayor iti nasao nga ili.
Segun kenni Menor, awan ti kinapudno na nga inbaga na a kukua na laeng ti nasao a kantidad ken inpasigurado na a maipakita daytoy anyaman nga oras.
Inbatad na pay a kumpleto dagiti amin a dokumentos ken saan a pudno nga isuna ti agig-iggem iti kwarta.
Manaig iti daytoy, inpetteng niJinalyn Fernando, ti sekretaryo ti grupo a ti laeng ur-urayen da iti kaudian a taripnong da ket idatag ti presidente ti koleksyon a nairemit kenkuana iti kangitingitan ti pandemya.
Malaksid iti daytoy, kuna pay ti miembro a mismo nga inrakurak ni Menor nga awan ti pakainaigan ti gunglo iti 20 a ribo a pisos gapo ta isuna ti nakainagan.
Kunana pay a maipagarop nga ited ti presidente ti posisyon ngem ipapasubli na dagiti nagastos ken travel allowance na iti las-od ti panagbalin na a presidente iti 10 a tawen no sadinno ket 100 a pisos iti kada bulan.
Inpetteng na nga awan kenkuana ti kwarta no diket adda a mismo iti presidente.
