LAOAG CITY – Pimmanawen iti Madagascar ni President Andry Rajoelina kalpasan a tinallikudan ti sumagmamano nga unit ti militar mainaig iti kumarkaro a protesta nga idadaulwan ti Gen Z nga agtutubo.
Kinumpirmaran ni Siteny Randrianasoloniaiko, presidente ti parliamento a nagbiyahe a rimuar iti pagilian ni Rajoelina idi domingo.
Maysa pay a source manipod iti militar ti nangibaga a naglugan ni Rajoelina iti maysa a French military aircraft kalpasan a sinukon ti helicopter iti erupuerto ti Sainte Marie.
Iti maysa a Facebook address idi Lunes, Oktubre 13, inbatad ni Rajoelina a pimmanawen iti pagilian para iti kinatalged na ngem nagtalinaed ti takder na a saanna nga ipalubos a madadael ti ken nagkedked a bumaba iti puwesto.
basar iti report ti Reuters ken French radio RFI, possible a nakitulag ni Rajoelina ken ni French President Emmanuel Macron.
Naamoan a nangrugi ti protesta idi Setyembre 25 gapu iti kinakurang ti danom ken kuryente, agingga a limmawa ken immado dagiti suporta manipod kadagiti militar, partikular iti elite unit a CAPSAT, a sigud metlaeng a timmulong ken ni Rajoelina iti 2009 coup.
Nagkedked met ti CAPSAT a manglapped kadagiti raliyista imbes ket kinadwa da pay dagiti agtutubo para iti nalawlawa a demonstrasyon.
Nangideklarar pay daytoy ti baro nga army chief ken sumagmamano met a nangangato nga opisyal ti pagilian ti naikkan iti pwesto.
