LAOAG CITY – Nagragsak ni Hajih Akmad Aduma, presidente ti Muslim Compound iti Brgy 1 ditoy ciudad ti Laoag ti panagbilligi ti gobierno kontra kadagiti terorista a Maute-ISIS a nangidaulo ti riribok idiay Marawi City.
Nupay kasta, kuna na a saan na pay a maibaga a natalgedan ti sibubukel a ciudad nangruna ti kabagyan na gapo ta adda pay laeng ti nabatbati a terorista iti lugar.
Inbatad ni Aduma nga iti agdama ket adda pay laeng iti evacuation center ti kabagyan na ken kalikagom da ti makasubli iti pagtaengan da.
Segun kenni Aduma, maymayat no urayen dagiti residente ti Marawi a malpas wenno natalgeden ti lugar gapo ta delikadao pay laeng.
