LAOAG CITY – Inpakaammo ni Mr. Almarim Centi Tillah, Presidential Adviser on Muslim Affairs dagiti naiwayat a programa para iti muslim community ditoy pagilian.
Inbatadna a nakisarita daytoy kadagiti muslim community maipanggep kadagiti livelihood ken edukasion dagiti annakda no sadinno napintas met dagiti kasasaadda ditoy probinsia.
Kalikagumna a maaddaan iti muslim ambassadors no sadinno nakaisarita daytoyen iti Department of Foreign Affairs tapno ad-adda a makatiulon daytoy iti pagilian nangruna kadagiti muslim community.
Mainaig iti daytoy, inrekomendarna a dumalan iti training dagiti Muslim Leadership a suportaran ti Philippine University College of Public Administration sakbay a sumrek iti bureaucracy.
Innayonna a maikkan kuma ti atension ti panangipaay ti serbisio ken programa ti gobierno kadagiti Muslim Island Provinces no sadinno imbes a mapan dagitoy iti adayo a siudad ket maaddaanda ti alalisto nga access kadgaiti program ken serbisio ti gobierno.
Kabayatanna, kinablaawanna ni Presidente Ferdinand Marcos Jr. Ti naragsak a panagkasangayna.
