LAOAG CITY – Kinundenar ni Presidential Adviser on Peace, Reconciliation and Unity Secretary Carlito Galvez Jr. ti panang-atake dagiti kameng ti Moro Islamic Liberation Front (MILF) iti Basilan a nagresulta iti pannakatay ti dua a suldado ken 12 ti nasugatan.
Maipalagip a napasamak daytoy idi kalman, Enero 22, 2025.
Segun kenkuana, ti insidente ket nangipaay ti panagamak kadagiti residente idiay Basilan.
Nakipagladingit metten ti sekretaryo kadagiti pamilya dagiti pimmusay a suldado.
Kageddan iti daytoy, inpasigurado ti sekretaryo ti alisto a pannakagun-od ti hustisya ken pannagpatalinaed ti kappia iti nasao a probinsya.
Kabayatanna, naruay pay laeng a residente ti mabutbuteng gapu iti napasamak nga insidente.
