LAOAG CITY – Naiget nga agtultuloy ti panagkampaniya dagiti dua a Presidential candidate ti Estados Unidos uray iti mismo nga aldaw ti panagbotos, gapu ta awan ti limitasion ti panawen ti panagkampania idiay America.
Segun ken ni Bombo International News Correspondent Rene Ballenas manipud idiay New Jersey, United States of America, maibilang a “consequential” wenno napateg ti eleksion idi 2024 idiay Estados Unidos, gapu iti panagtaray manen ni dati a Presidente Donald Trump kontra ken ni Vice President Kamala Harris.
Malaksid iti daytoy, inlawlawag ni Ballenas no apay a napaliwkawkawan ti White House kas pre-emptive action tapno malapdan ti posible a pannakaulit ti January 6, 2021 iti Capitol Building kalpasan ti pannakaabak ni Trump.
Mainaig iti daytoy, patien na no man bilang managabak ni Kamala Harris iti eleksion ket nakasagan ti pagilian para iti kaunaan a Woman President iti Estados Unidos.
Kinunana pay a nabara a napagsasaritan iti debate dagiti topiko kas iti abortion, immigration, foreign policy, ken inflation.
Inpettengna a dakkel ti epekto na daytoy kadagiti Americano no sadinno sursuroten ti kaaduan nga Americano ti legalidad uray no maikontra daytoy iti moralidad.
Kabayatanna, innayon ni Ballenas a naiget ti panangmonitor dagiti otoridad ken pannakaisayangkat ti pre-emptive actions iti US Presidential Elections tapno maliklikan ti riribuk ken kinaranggas a kapada ti napasamak iti napalabas nga eleksion.
