LAOAG CITY – Saan a masinunuo ni Presidential Spokesman Harry Roque ti rason a saan a nakatabuno ni Presidente Rodrigo Duterte iti Wedding of the Year da Atty Ferdinand Michael Marcos-Manotoc ken Miss Carina Amelia Manglapus iti Paoay Church.
Kuna ni Roque nga naipatang iti schedule ti presidente ti No Entry iti daytoy nga okasyun.
Nupay kasta, inbatad na nga no iti aldaw ti Biernes ken Sabado ket adda idiay Davao City ti presidente.
Segun kenni Roque, intono bigat ket kaduaen na ti presidente idiay Davao para ti konsultasyon ti Bangsamoro Basic Law wenno BBL.
Kuna ti presidential spokesman nga patien ti presidente nga importante ti BBL iti pananggun-od ti kappia idiay Mindanao.
Paset ti panagsarita ni Presidential Spokesman Harry Roque, nga maysa kadagiti national officials nga timmabuno iti Wedding of the Year ditoy Ilocos Norte.
