LAOAG CITY – Inpakaammo ni Ms. Anabel Pascua, maysa a dealer ti paputok manipud iti Brgy. 19 iti ili ti San Nicolas a saan a ngimmato ti presio dagiti nagduduma a klase ti paputok.
Segun kenkuana adda dagiti sumagmamano nga indibidual a nagturong kenkuana tapno gumatang kadagiti lakoda a paputok ngem saan unay daytoy nga ado no ikumpara sakbay ti panagselebrar ti baro a tawen.
Kunana agbalor iti 1,500 agingga iti 5,000 nakadepende iti klase ti fireworks.
Mainaig iti daytoy, adda ti pito a retailers ken tallo a dealers ti aglaklako ti paputok iti ili ti San Nicolas.
Kabayatanna, inpasigurado na nga awan metten ti panagngato ti presio dagiti ilaklako na a paputok kadagiti reseller ken dagiti aggatang.
