LAOAG CITY – Ngimmato ti presio dagiti nagduduma a klase ti sabsabong iti merkado publiko kabayatan ti mapaspasangasangan a pannakaselebrar iti Valentine’s Day.
Daytoy ti inpakaammo ni Ms. Joan Cadoy, ti maysa kadagiti staff iti flower shop iti Laoag City Public Market and Commercial Complex.
Inbatadna a sipod simrek iti bulan ti Pebrero ket nagtriplen ti presio dagiti sabsabong kas ti rosas no sadino a manipod iti 300 a pisos iti kada bundle ket nagbalinen a 1,500 iti kada bundle.
Inbatadna nga umdas met ti suplay ti sabong nga ilaklakoda ita nga aldaw agingga madanon iti mismo aldaw dagiti puso.
Kunana nga adu dagiti gumatgatang iti puestoda ken adda metten dagiti agpapareserba kadakuada.
Inpalgakna a kaadduan kadagiti gumatgatang kadakuada ket dagiti simmangpet ditoy probinsia manipod iti ballasiw-taaw, dagiti agasawa, aggayyem pakairamanan dagiti single.
Innayonna nga adda pay dagiti ididiayada a bundle promos para kadagiti costumers-da inton Valentine’s Day.
