LAOAG CITY – Tinuldukanen ti Department of Trade and Industry (DTI) ti panagdanag iti panagngato ti presio dagiti sumagmamano a basic good ita a tawen.
Basar iti ahensia, saandan nga aprobaran pay ti aniaman a panagngato iti presio dagiti sumagmamano a basic goods kas ti sardinas, instant noodles, sumagmamano a brand ti tinapay.
Inlawlawag pay ti ahensia nga iti pinal a paset ti konsultasionda kadagiti stakeholder iti plano nga ikkaten ti suggested retail price (SRP) scheme nga ipatpatungpal iti sumagmamano a dekada.
Inbatad ni Department of Trade and Industry USec. Ruth Castelo, agserserbi kas proteksion ti suggested retail price tapno malappedan dagiti manufacturers manipud iti nalabes a panagngato dagiti presio, umannugot met ti Department of Trade and Industry ti pannakaikkat iti suggested retail price scheme ken masuktan daytoy iti price range guide para kadagiti konsyumer.
